அப்படி என்ன தான் போட்டியோ

மத்தியத்தில்
துணையாகஇருப்தென்னவோ
நந்தியாவட்ட பூக்கள் தான்
ஆனாலும்
அப்படி என்ன தான் போட்டியோ


இடப்புறத்தில் குவிந்திருக்கும்
தங்கரளிப் பூக்களுக்கும்

வலப் புறத்தில் சாய்ந்திருக்கும்
ரோஜா சிவப்பு பூக்களுக்கும்
அப்படியென்னதான் போட்டியோ

தங்களது அழகுகளை
பொலிந்து தள்ளிக்கொண்டிருக்கிறது

நிறங்களாக உதிக்கிறதா
பூக்களாக உதிக்கிறதா

இடையில் நானல்லவா
சிக்கிக் கொண்டேன்

பூக்கும் முன்னே பூக்கும்
பூக்களுக்கான நிறத்தை
அடடா.....
எப்படிச் சொல்லி பூரிப்பது

பூவினால்
நிறத்திற்கு அழகா
இல்லை
நிறத்தினால்
பூவிற்கு அழகா

பூக்கள்
பூக்களாகவே இருக்க
நிறம் என
பிரிப்பதும் கூட அபத்தம் தான்

அழகு போல அள்ள
பூக்கள் பூக்களாகவே சிரிக்க
இங்கு நானல்லவோ
புலம்பிக்கொண்டிருக்கிறேன்