ஆழம்

துளியின்
நுனியிலிருந்து எழும்பும் பாடல்
ஆழத்திலிருந்து எழுகிறது

இசையின் வயதைக் கணக்கிட
பல ஆயுள்கள் தேவை
வயது
கூடுகளாகி காய்ந்துகிடக்கும்
வெட்டிச் சருகு
ஓடும் பகல்களுக்குள் ஒளிந்து கொள்ளுதல்
சாலச்சிறந்ததின் அமசம்
அதுவே அழைத்தும் செல்லும்

அலாதி

சைவம் மாமிசங்களை அருந்தாது
போதும்
கிளிகள் பழங்களை கொத்துகின்றன
மலைக்குன்றின் இடைவெளியில் நுழையும்
காற்றுக்கென்ன அது அதன்வழி தேடுகிறது
முடியாக் கூகைகளுக்கு பெரிதெதற்கு வெறும் கண் போங்கடா
முயலின் வெண்மை ஓட்டம் வேகம் மட்டுமா
அழகே அதனிலும் அலாதி

கைவசமிருக்கும்
ஊசிகளில்
தேவையானவற்றை
நிரப்பியாகிவிட்டது

யாரைக் கொன்றது
யாரைக்கொல்வது
யாரை மயக்குவது
யாரை வீழ்த்துவது
பின்வரும்
அட்டவனைகள்
சாதாரணமாக
தட்டுப்படுவதில்லை

ஈரம்

தேசம் முழுதும் திரிந்தாலும்
இங்கு தான்
இறங்கியாக வேண்டும்
பறவைகள்