நகரத்தில் நெருக்கடிகள் அதிகரித்துவிட்டன
புழுக்க அவஸ்தைகளில்
தடுமாறும் வேகத்தில் அவசரங்களைத் தாண்டுகிறோம்
நிகற்று இழுத்துச் செல்லும் காலங்களுக்கு
கண்களோ காதுகளோ இல்லவேயில்லை
இறைதேடும் பயணங்களில் வெறிகொண்டு அலையும்
வேட்டைகளுக்கு நிர்பந்திக்கப் பட்டிருக்கும் வாழ்வை
பசிதானே தீர்மானிக்கிறது
இதில் ஒப்பனைகளும் வேசங்களும் மட்டுமே
மிஞ்சிவிட்டிருக்கும் இடத்தில் சந்தித்திருக்கிறோம்
பார்த்திருப்பீர்கள் அய்யா
எதிரே இருக்கைகள் எல்லாம்
காலியாகவேதான் நிறைந்து கிடக்கின்றன