பிரபஞ்சக் கவிதை

பிரபஞ்சக் கவிதை

வெத்து உறையாடல்களில் நம்பிக்கைகள் இல்லை

தர்க்கங்கள் நிறங்களை இழந்துவிட்டன

கேள்வியை குறை சொல்லவுமுமில்லை

ஆயினும்

உள்ளார்ந்த பதிலை உணர்த்திக்கொள்ள

ஒரு வாயப்பைக் கொடு

வா மயிலு வந்து அமர்

இதோ ஒரு கப் டீ

பருகு

பொறுமையாக ஒரு நிமிடம் கேள் ப்ளீஸ்

ஒரு நிமிடத்திற்குள் பதிலை கேள்

குரூபியோ குரூபனோ

கருப்போ சிவப்போ

அதுவல்ல முக்கியம்

எது எப்படியானாலென்ன

இந்தக் குரல் என்பதும் சுவாசம் என்பதும்

உண்மைதானே

வேண்டுமானால் பரிசோதித்துக் கொள்ளலாம்

இதிலென்ன இருக்கு

தொட்டும் கூட.....

மேலும்

இப் பிரபஞ்சத்தின் சிறு புல்லைப் போலான

ஒரு துளியே ஆனாலும்

இவ்விடத்தின் உயிர் தானே

பிரபஞ்சத்தின் உடலில் ஒரு முடியாகவேணும்

இருக்கட்டும் விடு

சுழலும் இப்பூமியில் உள்ளது தானே

இதன் எழுத்து

.இப்பொழுதும் சந்தேகமா

பிரதேசத்தின் ஒரு மூலையிலேனும்

அதனுள் உலவும் கவிதையைப் போலவேதான்

இந்த இருப்பும்

நன்றி