இப்ப என்னடா பிரச்சனை என்றான்
நண்பன்

அதைத் தானடா இத்தனை நாளாய்
உன்னிடம் சொல்லிக் கொண்டிருக்கிறேன்
என்றேன்

சொன்னதையே தானடா
திரும்பத் திரும்ப
சொல்லிக்கொண்டிருக்கிறாய் என்றான்

அதையே தானடா எனக்கும்
மீண்டும் மீண்டும்
சொல்லத் தோன்றுகிறது என்றேன்

வேறு ஏதாவது பேசடா என்றான்
அது தானடா தெரியவில்லை
என்றேன்

சரி யோசிப்போம்
இருவரும் காதுகளை ஒரு கணம்
யோசித்தபடி
(அவன் தொட்டுப் பார்த்துக்கொண்டான்)
பாவம் அது என்ன செய்யும்
அது பாட்டுக்கு அது

எங்கு சுற்றினாலும்
ஆரம்பத்தையே வந்தடையும்
பரிதவிப்பில்
தப்பித்து விட்ட தாய் அவனும்
விலகிச் செல்கையில்

ஓய்ந்த பாடில்லை குரங்கு

அதற்கான ருசியை
அது தானே தேடவேண்டும்

மீண்டும் பழைய
மரத்திலேயே தொற்றிக் கொண்டு விட்டது