பழைய காதலி

பழைய காதலி


இதுவும் நமச்சிவாயம்
எதுவும் நமச்சிவாயம
அருணாச்சலத்தைப் போற்றிக் கொண்டிருக்கும்

எஸ் பி.பி-ன் குரலில்
மிதக்கும்
ரம்மியமான அதிகாலை

அண்ணாச்சிகடையை நோக்கிய நடை
விடியாத இரவின் இறுதி நேரம்

எதிர்பாராத சந்திப்பு
வரப் போகும்ஆவின் பாலுக்காக  
காத்திருக்கிறோம்

பனியில் நனைந்த காலை
இருவர் மீதும்
இறங்கிக் கொண்டிருக்கிறது

விசாரிப்புகளின் வழியே
நின்று கொண்டிருக்கிறேன்

பழைய காதலி ஒருத்தி
புதிப்பிப்பதற்காகவே
இந்த மார்கழி குளிர் வதைப்பதாக
கூறுகிறாள்

நிகழ்கால நிலவரங்களால்
பயிற்சிபெற்ற அனுபவங்கள்
அவளையும் மீறி
கொப்பளித்துக்கொண்டிருக்கின்றன

ஆத்ம காதலின் எல்லா
வர்ண்ணங்களையும் இழந்துவிட்ட
காலத்தில்

பழைய காதலி
பழையகாதலியாகவேயில்லை

எல்லாமே நிலை குழைந்து போன
இடத்திலிருந்து விலகிச் செல்கிறேன்

மீண்டும்
பழைய காதலி
பழைய காதலை

சில்வர் நிறத்தில் பூசிக் கொண்டிருப்பாள்