சிறு புல் அசையும் விடுதலை

சிறு புல் அசையும் விடுதலை


மிக இலகுவாக சூழப்படுகிற சமிக்ஞையில்
இந்த மிதமான வெய்யில்
ஏதோ காரணத்தை புலப்படுத்துகிறது

இறக்கமற்று அப்பிக் கொண்டுவிட்ட
அமைதிகளின் வடிவங்கள்
புனிதங்களாகவே தான்
இருந்து கொண்டிருக்கிறது

புகார்களோ
குழப்பங்களோ
எதிர்பார்ப்புகளோ
அச்சங்களோ

எதுவுமற்ற உலகத்திற்குள்
பிரவேசிக்கவே விரும்புகிற

பறவைகளின்
அந்தர பறத்தல்களில்

நிகழும் கணங்களில்
மென்அதிர்வுகள் ஏதுமில்லை

எளிய வானம்
தம் பிரியத்திற்க்காய்
நிறம் மாற்றிக் கொள்கிறது

சிறு அசைவுகளில் நிகழும்
மாற்றங்கள் தான்

வேடிக்கைகளுக்கானது மட்டுமல்ல

சிறு புல் அசையும் விடுதலை
 கொண்ட  பிரபஞ்சத்தில்
சப்தங்களின்றி
பரவிக் செல்லும் வாசனைகளில்

ஒரு பூ வாவது
பூக்கத் தானே செய்யும்

அதனதன் இயல்புகளில்
நிறைந்து கிடக்கிறது

சொல்லொணா விதங்கள்