வானம் தேக்கி வைத்திருக்கும் மெளனத்தை
இந்த மேசையின் மேல்
சிந்தியிருப்பதாக
குறிப்பில் இருக்கிறது

எந்த எதிர்பார்ப்புகளும் இன்றி
அதன் வழியே விட்டு
கலைத்த உடலை
சாய்க்க

ஓய்விலிருக்கும் கண்களுக்குள்
ஓரிரு குறிப்புகள்
ஒட்டிக்கிடக்கிறது

எநத பரபரப்புமில்லாது
வாசித்து முடித்ததும்
தானாகவே அழிந்து விட
அமைதியாகவே தலைசாய்ந்தேன்

சில கணங்கள் முடிந்து
விழித்த பொழுது

மேலும்
ஒரு குறிப்பில்

இந்த சாந்தம் தான்
உனக்கிருக்கும் கொடை

இந்த இறுக்கம் தான்
காலமெல்லாம் நான் உனக்களித்திருக்கும்
ரகசியமும் என

வானிலிருந்து நேரிடையாக
விழுந்த குறிப்பில் காணப்பட்டது

எழுந்து படுக்கைக்குச் சென்றேன்