நாம் பார்க்க

நாம் பார்க்க


அனைத்தும் திட்டமிட்டபடி
நடக்கிறதா என்றோ
நடந்ததா என்றோ
சரியாக குறிப்பிட இயல்வதில்லை

யாராகிலும் ஒருவர்
யாருக்காகவோ
தமது நிழலை இழந்திருக்க

ரட்சிப்பவர்களின்
ஆதரவுகளாகவோ
அல்லது
எதிர்வுகளாகவோ

நிகழும் சம்பவங்களெல்லாம்
நாம் பார்க்க

எப்படியோ
எதற்காகவோ
இயங்கிக் கொண்டிருக்கிறது

இறுதிகளை எட்டாத
வெப்பத்தின் இடைவெளியில்

சில அதுகள் பறக்கிறது
சில அதுகள் மேய்கிறது

குருதி வாடையை சுற்றியுள்ள
எறும்புகள்
இரைக்காக சுமந்து செல்லும்
வலிகளைத்தான்

எப்பொழுதும் ஒருநாள்
சேமித்து நகர்கிறது