ஆழம்

துளியின்
நுனியிலிருந்து எழும்பும் பாடல்
ஆழத்திலிருந்து எழுகிறது

இசையின் வயதைக் கணக்கிட
பல ஆயுள்கள் தேவை
வயது
கூடுகளாகி காய்ந்துகிடக்கும்
வெட்டிச் சருகு
ஓடும் பகல்களுக்குள் ஒளிந்து கொள்ளுதல்
சாலச்சிறந்ததின் அமசம்
அதுவே அழைத்தும் செல்லும்

அலாதி

சைவம் மாமிசங்களை அருந்தாது
போதும்
கிளிகள் பழங்களை கொத்துகின்றன
மலைக்குன்றின் இடைவெளியில் நுழையும்
காற்றுக்கென்ன அது அதன்வழி தேடுகிறது
முடியாக் கூகைகளுக்கு பெரிதெதற்கு வெறும் கண் போங்கடா
முயலின் வெண்மை ஓட்டம் வேகம் மட்டுமா
அழகே அதனிலும் அலாதி

கைவசமிருக்கும்
ஊசிகளில்
தேவையானவற்றை
நிரப்பியாகிவிட்டது

யாரைக் கொன்றது
யாரைக்கொல்வது
யாரை மயக்குவது
யாரை வீழ்த்துவது
பின்வரும்
அட்டவனைகள்
சாதாரணமாக
தட்டுப்படுவதில்லை

ஈரம்

தேசம் முழுதும் திரிந்தாலும்
இங்கு தான்
இறங்கியாக வேண்டும்
பறவைகள்

மென்மையை நெஞ்சோடு ஒத்திக் கொள்பவர்
எவன்
நாண்டுகிட்டாலென்ன

அந்த பட்டாம் பூச்சி
ஒயர்க் கோடு போட்டுக் கொண்டு
சிறு
படக்
சிறு
படக்
சின்னஞ் சிறு
படக்
என
பறந்து
போவதாக
ஹா..ஹ
ஹா..ஹ..வென
குரலெலுப்பி
மென்மையால் ஊது
யார் வேண்டாம் என்கிறார்கள்
எவள்
துாக்கில்
தொங்கினாலென்ன
வெகு சுத்தமாக
கலைக்கான
நளின வனப்பை
நெஞ்சோடு ஒத்தி கண்களை
முடிக் கொள்
கருமம் புடுச்சவனெ
காலம்
இன்னும் ஏண்டா
உங்களெல்லாம் விட்டுவச்சிருக்கு

எளிய சொல்



மிக
எளிய
சொல்
கேட்டாய்

மிக
மிக
எளிய
சொல்
தந்தேன்
ம்..
கூ....ம்
என்றாய்
கொஞ்சம்
யோசித்து
மிக
மிக
மிக
எளிய
சொல்லை
சொல்ல
விரல்
அசைத்தேன்
சூழலை
விட்டு
தப்புவித்தாய்
வெட்கங்கள்
சிதற
திரும்பி
ஒடுகிறது
அலைகள்

முடிவாகிவிட்டது
தலைகீழாய் விழும் நட்சத்திரங்கள் கனலடங்காஆழத்தில் திடுக்கென மரிக்கிறது
அபத்தங்களுக்கு
பலியாகும் நேரத்தில்
முதுமைக்குழந்தை நீ
புன்னகை மாறா
அம்சங்களுடன் கை அசைப்பாய்
அந்த பரிதாப நிலைக்கு சற்று தொலைவில் புதைபடுவது இந்த அசைவுகளும் தான்