பிழிந்து மீதியை
தோழில் போட்டுக்கொண்டு
காட்டிற்கு இழுத்துச்செல்லுகிறது
நிலைமை

திசையை
முடிவு செய்தாகிவிட்ட பிறகு

இழுத்து மென்று கொண்டிருக்கும்
நேரங்களில் தான்

அறிமுகப் படுத்திக் கொணடிருக்கிறீர்கள்
உங்கள் சௌகரியங்களை

மகிழ்வுகளில் கால் நனைத்து
ஓடிவர இயலாத கணத்தில்

முதிர்வு வழியனுப்ப சொல்லுகிறது

இந்த பயணம்
மிகப் பெரும் ஆழத்தை அடையும்
பாடலை கேட்ட பிறகு

அரவணைத்துக் கொள்ளும்
இழக்காத
இறக்கைகளுக்குள்

முழு உணர்வுகள் மூழ

வானம் தேக்கி வைத்திருக்கும் மெளனத்தை
இந்த மேசையின் மேல்
சிந்தியிருப்பதாக
குறிப்பில் இருக்கிறது

எந்த எதிர்பார்ப்புகளும் இன்றி
அதன் வழியே விட்டு
கலைத்த உடலை
சாய்க்க

ஓய்விலிருக்கும் கண்களுக்குள்
ஓரிரு குறிப்புகள்
ஒட்டிக்கிடக்கிறது

எநத பரபரப்புமில்லாது
வாசித்து முடித்ததும்
தானாகவே அழிந்து விட
அமைதியாகவே தலைசாய்ந்தேன்

சில கணங்கள் முடிந்து
விழித்த பொழுது

மேலும்
ஒரு குறிப்பில்

இந்த சாந்தம் தான்
உனக்கிருக்கும் கொடை

இந்த இறுக்கம் தான்
காலமெல்லாம் நான் உனக்களித்திருக்கும்
ரகசியமும் என

வானிலிருந்து நேரிடையாக
விழுந்த குறிப்பில் காணப்பட்டது

எழுந்து படுக்கைக்குச் சென்றேன்

பொது வெளி

காற்றே
மறைந்து போனவழிஎங்கு

இல்லாது போன
இழப்பை

ஏக்க மூச்சுகளால்
அடையாளப்படுத்திக்கொள்ளும்
நிசப்த வெளியில்

தவத்தைப் போல
அசையாது
நிலைத்து விட்ட
அப்பெருமரத்து இலைகளின்

ஆகப் பெரும் ரகசியம்
எதுவாயினும்

அதன் பிம்பம் படிந்த
நடைக் கால்களினிடையே

நிழலைப் போலவும்
பாதை நிறைந்து கிடக்கிறது

கோடுகளை வரைபவர்கள்

கோடுகளை வரைபவர்கள்
முதலும் கடைசியுமாய்
சிறிதும் பெரிதுமாய்
வர்ணங்களை இட்டுக் கொள்கிறார்கள்

ஆசைகளென்பதை
நிரந்தரமாக்கவா இயலும்

கதவுகளாலான உலகத்தை
செய்ய முயலும் பாவியர்களின்
கற்பனைகள்

தொலைவில் அநாதரவுகளாக
திரிந்து பறக்கிறது

கதவுகளாலா?
தடை செய்து விட முடியும்.
எதையும்.

இங்கு
கதவுகளென்பது
வறையறைகளின் குறியீடு
அவ்வளவே

சொல்லுக்கும்

எழுத்துக்கும் இடையே

அழுத்தம் உலவிக்கொண்டிருக்கிறது

அப்படியே

ஆமாம்

அப்படியே

என்னைப் போலவே

உயிர் பேசும் மலர்

உயிர் பேசும் மலர்

பாதங்கள்

மண் பட்டவுடன்

எம் மணப்பெயரை

உணர்வாயாக

வெய்யிலை அருந்தச் செல்லும் முன்

இந்தக் குயவனுக்கு

கடன்படத் தொடங்கிவிட்டாய்

தாகம் தணிக்க

உயிர்பேசும் மலர் ஒன்றை

மண் குவளையில் பதித்து

பரிசாக அனுப்பியிருக்கும்

வெப்பக் காற்றில்

கோடை மலர்களை தரிசிக்க

வாய்ப்பிருக்கிறது

விற்பனைத் துறையின்

பீடத்திலிருந்து ததும்பும்

கிழக்குரல் கூவ

வயதின் விதியே

மென்மை நெய்த

கீழ் சட்டை நுணியின் முனையில்

கண்ணாடிக் கண்களை

சரி செய்துகொள்

தட்டுப்படாத பருவத்தில்

புத்தம் புதியதாய் பார்

மாய மகுடிகளுக்கு அசையாத

சிறு புற்றுக் குடிகளை

ஓசைகளுக்குள் படிந்திருக்கும் இந்தச் சொற்கள்

 ஓசைகளுக்குள் படிந்திருக்கும் இந்தச் சொற்கள்


எதிர் பார்க்கவேயில்லை

இவ்வளவு விரைவில் உணரும்
தருணம் வாய்த்திருக்கிறது
வெண்முடிகோதும் ஆணவத்திற்கு

விட்ட குறையொன்று
எந்தப் புள்ளியிலிருந்தோ
வேறெங்கிருந்தோ 
தொடங்கியிருக்கிறது
முதல் உதிர்வுச் சோதனையை

மறந்த முகங்களைத் தேடும்
அவசரங்களுக்குள்
பரபரப்பாகியிருக்கும் வேளையில்

பாதுகாகக்கப்பட்ட
அரசவைச்சுவர்களிலிருந்து
சின்னஞ் சிறிய கற்கள்
வீழ்ந்து விடத் தொடங்கினாலும்

அதன் ஓசைகளுக்குள்
இந்தச் சொற்கள் படிந்திருப்பதை
மறுக்க வாய்ப்புகளில்லை

தெருவோரக் காட்சிகளில் விழாது
நிழலைக் கூட பத்திரப் படுத்தியிருக்கும்
குளிர் சாதன பதவிகளுக்குள்
ஓய்வுகளிலிருந்தாலும்

ஆதிக்கம் கொள்ளும் வெய்யிலின் வலைகளுக்குள்
ஏந்திக் காத்திருக்கும்
அந்த வர்ணங்களின் முகங்களில்
வழிந்து விடாதா ஈரம்